Vâla thawnthu lungchhiatthlâk chu hei a ni
A di, a hmangaih leh a lung lâi luahtu chuan
Nang nen chuan kawp rem tur kan ni mawlh lo ve
Tiin puan ang a hnawl
Vâl lung mâwla chu
Kâwl-a her liamin
Chawl tui ningzû dâwn a
Laikhum-a zal a
Lengi hlimthlâ thlirin
Suihlung leng ta reng chu
Zan mut chhin rel lovin
Thangvan chhawrthlapui leh si-ar a thlir zankhua
Duh ai sam ram ata hawn zai a rel meuh chuan
Ni thar a lo ni ta
A chûn leh zua te leh a lenrual zawngte paw'n
Bân zâi rel tawh mai la
Lêng dang an tam an ti
Mahse, vâla tawnah lengi chauh lo chu
Tu dang an awm mawlh lo
Bân zâi rel har a ti
Kâwl-a her liamin
Chawl tui ningzû dâwn a
Laikhum-a zal a
Lengi hlimthlâ thlirin
Suihlung leng ta reng chu
Zan mut chhin rel lovin
Thangvan chhawrthlapui leh si-ar a thlir zankhua
Duh ai sam ram ata hawn zai a rel meuh chuan
Ni thar a lo ni ta
Hei hi lo hria la
I di iang lo mah ila
Kei aia hmangaih chuang che hian ka ring mawlh lo
Khuanu leng ka dem chuang hauh lo che
Pialral-ah tal rem min lo ruat rawh aw
2 comments