Duhlai min ngaithla la
Min han hrilh teh
I tan eng nge ka nih a
A riang kei hi
Kei chuan e, duhlai
Ka thai chang turin
Ka thlang ber che
Zalêng zawng zinga'n
Ka hmangaih che
Ka thlang ber che
Kumtluang rûn hmun lênpuia'n
Fanau mal tluan chawi dunin
Bawihte, i tan chauh ti zelin
Indi bâng lo'ng aw
Si-ar hming thang tak Hrangchhuana leh Chawngmawipuii iangin
Nang chauh tiin, bawihte
Kan tar kun hun thleng pawhin
Leng dûn thei ila aw tiin kei riang lungmawl hianin
Duh thu ka sam a
Kan rûnah
A taka ka thai-a i lo chan theih hun tur mawlh hi e
Ka nghakhlel ṭhin viau nain e
Ka hlau, ka zam
Ka thinlairûk a phâng leh ṭhin a
Nang vanga thinlai naa ka awm min phal thei ngai lo la
Chuti'n kan rûnah rûn mawi turin lo lawi tawh mai la
Ka hmangaih che
Ka thlang ber che
Kumtluang rûn hmun lênpuia'n
Fanau mal tluan chawi dunin
Bawihte, i tan chauh ti zelin
Indi bâng lo'ng aw
Van hnuai zalêng zingah
Ka thinlai luahtu
Nang chauh i ni asin ka di bawihte
Hun leh kum ral mah se
Ka tan i chuai lo'ng e
A zual zel zawk ka thinlairûkah
Ka hmangaih che
Ka thlang ber che
Kumtluang rûn hmun lênpuia'n
Fanau mal tluan chawi dunin
Bawihte, i tan chauh ti zelin
Indi bâng lo'ng aw
1 comment