Ka khualzin kawng, ka vahvaihna
Ka Pa lal ram a ni si lo
Amah ngei vahvaihna a nih vangin
Ṭap chungin kraws kawng ka zawh zel ang
Tuarna pumpelh kawng zawhtute'n
Kraws nunna hnar an hloh si ṭhin
Ka zin kawng a hrang ngei e
Kham leh suar
A hming pawh luruh hmun a ni si
Ṭahna ruam ka zawh hi
Ka Pa in panna lamlian a ni
Mittui nen ka zin kawng zawh mah ila
Ka pelh hunin
Ka chhandamtu hmel duhawm hliam hnu kha
Hmuin, hlimin, hla mawi ka rem tawh ang
Ṭap chungin kraws kawng ka zawh zel ang
Ka tan kawng dang a awm lo'm ni
Ka tan Zion panna lamlian
Mahse, ka Lal hnen min thlen dawn vangin
Ṭap chungin kraws kawng ka zawh zel ang
Ka pa hnen ka thlen hunah chuan
Ka khualzin kawng ka hrilh ang a
Ka mittui min hruk faisak tawh ang a
Ka Pa, i hnen lo hawn ka nghakhlel
Ṭahna ruam ka zawh hi
Ka Pa in panna lamlian a ni
Mittui nen ka zin kawng zawh mah ila
Ka pelh hunin
Ka chhandamtu hmel duhawm hliam hnu kha
Hmuin, hlimin, hla mawi ka rem tawh ang
Ṭap chungin kraws kawng ka zawh zel ang
Ka Pa, i hnen lo hawn ka nghakhlel
Post a Comment