Haze Dec Fanai ft A.I.M - Ka chan loh tur

Hringmi hei zawng zingah i mawi chuang
I ṭhatna zawngte'n, aw, min dawi tluan
Bawihte hey, run rem nan theih tawp ka chhuah
Min hriatsak ve ngai em
Engkim mai ka huam

Lungngaih chang ni lo thleng se ka vuan ang che
Khawvel nawmsaknate'n
An bual at che ka phal ngai lo'ng
Engkimah siamtu hria la
Chuti'n ka kiangah awm la hringnun pialral

Rohlu chi tinrengte ka ngai ber lo
A aia hlu hun tam ka ngai ber zawk
Theih chang se, tun hun hi chelh din ka nuam
Chung Khuanu paw'n min hre thiam ve se aw

Ka thawnthu aṭang hian ṭan teh ang aw
Suangtuahna aṭang mang ramah ka lo kai der zawk
Hmuh zen zen loh vang a
Mit vai vek khawpa mawi leh eng chu
Ka lam panin a tlan zel aw
Ka tehkhin, hmasanga Lasi a hen awm
Kei, tawnmanga pasalṭha ka zam der lo
A pian thiamzia la tin lengte tana demawm khawpa nalh a ni
A zahpuiawm loh dress pawh
A sakhmel leh mizia chunnu mit a tling awm
Ti a dawnin tawnmangah leh zel ka chik tho
Ral lo se he zan hi
Ka tan mawi leh hlimawm a ni
Ka hlau, tak ram let mai zawng ka phal bik lo'ng

Woke-up in the middle of the night
Tawnmang mai a ni tih ka hriat chhuah zet chuan
Tak rama ka thai chang mai tura hmai fel leh fai tak
Ka zankhaw chhingmit chhin lai tawnmang Lasi

Lungngaih chang ni lo thleng se ka vuan ang che
Khawvel nawmsaknate'n
An bual at che ka phal ngai lo'ng
Engkimah siamtu hria la
Chuti'n ka kiangah awm la hringnun pialral

Aw, thluak a fim
Rilru a lang tlang
Lei sum khan loh hmangaihna ka ṭanchhan
Beiseina mei ka chhawm ve fan fan
Midang dang avanga ka mangan(A tawk e)
Chhaitu nazawng khap an chi ang
An din ka phal lo i hma zawnah khan midang
I thinlung luhna khan inhawng ka ti ping ang
Chuan, an run luhkhapui tlukin
An kawng khar a ni ang
Lei hrula mawite tan chung leng i ni
Mipa tinte duh thu sam ang thala nun nem
Lung a awi, vantlanga thu leng erawh
"Chu chu, khi khi, kha kha tu nge?"
Aw, an ui bet nge min zui hreh, zui hreh
A far lo'ng mittui
Kei paw'n thui ka dawnpui che
I ṭhenrual hluite'n an chhui ka nun hlui
Min ei lo naa ka atchilh che
Ui seh, Ui seh
Din hmun nghet siamin heti zat
Lei rem rapa kan tluk chhiat loh nan rintlakin
Zirna runah hun ka lo chhiar ang a
Min nghak i tih zet zawngin
Vanlalpianga ka ni nghal

Lungngaih chang ni lo thleng se ka vuan ang che
Khawvel nawmsaknate'n
An bual at che ka phal ngai lo'ng
Engkimah siamtu hria la
Chuti'n ka kiangah awm la hringnun pialral

---

Tags: Gershon & Julie - I hla ft CT Tluangtea | Gershon & Julie - I HLA ft CT Tluangtea (Prod.Gershonbeats) | Gershon & Julie - I hla ft CT Tluangtea lyrics | Gershon & Julie - I HLA ft CT Tluangtea (Prod.Gershonbeats) lyrics

---