Thlasik boruak thiang karah hlim a
Thawveng tawka leng vel lai
Kar hlaa leng lenrual lung duh zawng paw'n
Hawn zai an rawn rel a
Kan naupan lai min ngaihtir
Boruak nuam zangkhai tak kara'n
Sikni eng kan lawm lai
Lanu leh val rual an hlim ngei
Len lai an chen
Hrang lu iang Lal pian champhak kan lawm e
Kan zai za e
Kan run riang te pawh kha vanram an chantir e
Fam tate nghilh ni reng in awm si lo
Thlalak bak hmuh tur a awm tawh si lo
Thinlaia'n in thar
He hun lo thleng hian
In tan pawh kan rawn hlan ang e he hla hi
Hun lawmawm lo thlengah hian
Insiam ṭhat nan hmang la
I chen ang maw
A pawi love
Mahse, Siamtu hria la
I ṭhiante nen nge i ngaihzawng zawk
A tu nen zawk maw i hman dawn zawk
I chhungte nen nge kohhran nen zawk
Eng tiang chiah chuan maw i hman dawn zawk
Engtin paw'n hmang ula
Tu nen paw'n hmang ula
Hlim takin hmang ang che u
Duhsakna ka hlan a che u
Mahtea run riangte ka nghah mek laiin
Ka ṭhenrualte'n ti hian biahthu min rawn hlan
Zan boruak a thiang ngei e
Tlai khua kan var dawn e
Rimawi rema zai vawrin
Leng dang reng ngai lovin
Lunglen reng sawi lovin
Kan hlim tlang ṭhin e
Tleitir kan ngai ngai lo
Rimawi ṭingṭang nen
Hun hi a lo kal chak khawp mai
Kum bul kan ṭan dawn chuah a maw kan tia
Hei, a tawp kan hnaih leh chu ni der tawh mai a
Kumin chhung ringawt paw'n thil tawn hi kan ngah hman a nia
Fam tawh te pawh hunin a liampui zel a
Keini pawh kan la fam ve ang
Kumin chhung zawnga ka thil tawn zawng zawngah khan
Vuina pakhat mah ka nei lo a nia
In pawi ka lo sawi a nih chuan min ngaidam zawk dawn nia
Eng pawh ni se
Hlim takin in hmang dawn nia
I ṭhiante nen nge i ngaihzawng zawk
A tu nen zawk maw i hman dawn zawk
I chhungte nen nge kohhran nen zawk
Eng tiang chiah chuan maw i hman dawn zawk
Engtin paw'n hmang ula
Tu nen paw'n hmang ula
Hlim takin hmang ang che u
Duhsakna ka hlan a che u
I ṭhiante nen nge i ngaihzawng zawk
A tu nen zawk maw i hman dawn zawk
I chhungte nen nge kohhran nen zawk
Eng tiang chiah chuan maw i hman dawn zawk
Engtin paw'n hmang ula
Tu nen paw'n hmang ula
Hlim takin hmang ang che u
Duhsakna ka hlan a che u
Post a Comment