Bawihte, i leng dun ang
Vawiin ni chu hriat ngai loh ram nuam fangin i thlawk dun ang
Chung leng thlawhna te ban phak lohvin
Phawngpui tlang thlawh khumin
Aw, i leng del del ang
Zawlpal, Tualvung ang khanin
Phengphehlep-ah chang dunin
Thlawk delh delhin hmar tawpah
Chhimbal-ah tawlh dun ang
Ka hlauthawng viau lo
Mahse, i hlim loh erawh chu ka hlau ve det ṭhin
Ka tan hian i mawi sia
Insit chang a tam
Ka din hmun hi a hahthlak ve deuh ṭhin
I bula awm hi ka nghakhlelh, ka thlakhlelh ber thil a ni a
Tu dang an leng lo
Suangtuahnaah i tam leh ber ṭhin
Val dang an leng lo hey
Hnaih hlek ka phal lo
Hnek mai ka hreh lo
Mipa a nih chuan ka thliar chuang miah lo gay
Rose par a iang sia hnim hnaih kha an lo tum ve ngei
Tin, ka veng ve reng
Thingkung nen ka tehkhin
I hlim hian hahdamna mi thlen
Tu dang ka ngai lo
Nang nena ka duh chu kan vanglai chen
Neih ka tum ngei ngei
A hlim chuan ka nui ver ver
Ka tum lo lerh
Kan hlim ve reng
Eng dress pawh inbel la i mawi ber reng
A nei nung fate'n kei nih an chak ṭhin
Neih erawh ka nei lo, a mah vang hian
Hun a rei tial tial
Tin, ka duh telh telh
A zunah ka tang bet der
Chuan, kan inhmeh ber
Ka chawnbanah hian nghet takin chelh tlat rawh
Khua a thim dawn ta e
Ni a ngui ruai saw
Duhlaiz ka tan hian rimawi i ni e
Liando dar tum ri iangin
Ka tan i mawi ber
Tluang dawn emaw ka ti ṭhin
Mahse, buaina tinrengin min um zui piah lamah
A hman hmanin min rel ṭhin
Hmangaihna hi purun sen ni se kei chu chem bil
Ka thinlung hi rawn en teh
Hmangaihna vanga pem hlir
Ti chuan, kan intawng, bul kan ṭan
Kan zin kawng kan inṭawm
Kan inkawm, hun kan hmang
A hlimawm kan thil tawn
Dam hi a lo va nuam em
Engkim mai hi ka tan a thar
Hei lo liama pheichham man
Hnehna puangin ka ban ka phar
Kan pal tlang tawh te hi thlir let rawh le
Karah hmelma hrang mah se an hlawhchham
An va chawh e
Hriat ngai loh ram nuam fangin kan thlawk
Chhungkaw nuam leh hlimawm tak i din ang aw
Dam reng la par mawi ber
Aw, ka tan rim tui chang reng la
Mi fa tluk loh nui mawi te
Tar kun hun thlengin i leng dun ang
Ka chawnbanah hian nghet takin chelh tlat rawh
Khia a thim dawn ta e
Ni a ngui ruai saw
Duhlai, ka tan hian
Ri mawi i ni e
Liando dar tum ri iangin
Ka tan i mawi ber
Post a Comment