Hmangaih tawngin
Lamlian chu sial dunin
Dam lai par an chen
An hlim hun chhung a rei si lo
Duh lai kan phal dawn em ni
Sakhuanain min phuar hrang si
Chung Khuanu reng pawh khianin
Kan inṭhen ni tur chu a ruat em ni
A hmangaih sakhaw dang vuantu
Hnam dang rawlthar hmangaihtu chuan
A duh lai thlah a phal si lo
Hreh tak chungin a ṭul si
Hnam dang rawlthar nen inhmangaihna
Rem ngai dawn tih hre lovin
Sakhua meuh a hrang si
An Pathian ve ve an bia
Duh thlan ber tur hre lovin
Chhungkaw zahawmna leh hmangaihna mangṭha an phal si lo
Hnaih tea an inhlat a ṭul si
Ṭhingṭhiin ngenna dilin
Kimki tih hriat takin harhfimin
An fanu chu nitin ni hlim hnuaiah dahin
A hlim reng ṭhin tur thu kha ka tiam asin
Rin lawk ang rengin an chhanna min pekin min ti hnim
Sakhua leh hnamzia lam thila mi chimlim
Ring mi, ṭha mi tiin hriat an ni ve leh tlat si
Ka hring nun hianin a awih ngai loh pian nawnna thil
Tunah chuanin ka thlakhlelh ber a ni tawh lawi si
Chu'ng hunah chuan hnam khat niin
Sakhaw khat kan vuan tawh ang
A hmangaih sakhaw dang vuantu
Hnam dang rawlthar hmangaihtu chuan
A duh lai thlah a phal si lo
Hreh tak chungin a ṭul si
An tan kawng a ping reng
An dilnate chhana a awm hun an nghak reng
An neih chhun beiseina
An tan kawng a thimin khua a var lo em asin
Hnaih tea an inhlat a ngai si
Rilru natna an tuar ṭhin fo a ngai a
An duh thlannate zulzuiin
Chung Khuanu khianin an tan khartung a sawn ve si lo
An biang ve ve ti hnawm turin an chhingmittui a far ṭhin
An tan chuan a na
Tian han dawn chhin la
Khua hmuna awm si khan an inkar kha chu a hla
Dam man a awm lo
Fam chhan pawh a awm dawn lo
An pialral lawina tur ve ve pawh a hrang dawn sia
Hnam dang rawlthar nen inhmangaihna
Rem ngai dawn tih hre lovin
Sakhua meuh a hrang si
An Pathian ve ve an bia
Duh thlan ber tur hre lovin
Chhungkaw zahawmna leh hmangaihna mangṭha an phal si lo
Hnaih tea an inhlat a ṭul si
Post a Comment