En teh ka ṭhian
Hring nun chu tiang
Ral leh mai tur
Khuanu mi siam
Ṭhenkhat pachhia, chanhaia piang
Dinhmun nghet lo
Derthawng ka ṭhian
Ṭhenkhat chapo
A ṭhen lah duham
Rosum pathianin
Run chhung a bal
Ruihhlo la tlan
Sual bawiha tang
Mi ṭhenkhat lah an zam
A tur a fah
Kan zinkawng a hrang
He khualzinna ramah
Kan thil tawn a danglam
A ṭhen tan a harsa
Hlimna i tih kha
Mi dang tan manganna
Nun pangngai i tih pawh
Mi dang tana mang ram
A ṭhen chu thawkrim
Ni sen sa hnuaia ni tin la dai fo
Nun hnuai, rethei, pachhia
Dam man a sang a
Thlunglu a hai zo
Retheihna vangin chhungrilah insitna tuh ṭhin
Ngati nge ka zam
A ngaihna hre lovin
Thinlungah hliamtu awm lo
Ngati nge ka nat
A harsa han tih chang a tam
Khuanu rorel dan hi a mak
A chang chuanin hriat thiam a har
Se, hah dam rawh engkim a ṭha
Lei mawina chuan an lem ang che
Hliam tum rantute'n i vel an hel
Beiseina i neih kha
Mi dangte rah beh atan chuan a hlu
Kalsan ta che
I thlan kawng a pik paw'n i duh i sam tawh
Beiseina nen a ngaia thawh
Rah ṭha i tuh dawn
Hah a ṭul paw'n chona thar nen thawh rim kha ching rawh
Ti hian i ngaihtuahna kha thlak chhin ta che
I beiseina vanga i beidawng a nih paw'n
An hlim hmel i hmuh aia
I hlim hmel i hmuh theih nan
Beidawnna ke-a pen khat pen ṭhinte hi
Khawvel mi hlawhtling anni ṭhin tih hi hria la
Hma lam pan leh hram rawh
A harsa tih ve chang ka ngah
Ka tlin dawn lo nia inhriat chang a tam
Ka tan eng pawh tih hi a har
Khuanu rorel dan hi a mak
Ka ṭhian
Ka neih chhun ang hiala ka chhal
Ka hlim ve em emna ti nge i lak
Ka tan mang ram ang hial ka chan
Mahse, ka chhungrilah ti hian mi thlah
Hun rei a ni lo
He'i kan khualzinna zawk
Dam chhung tawi tea kan hlim hi a tawk
Vui thei ka ni lo
Nui tur ka ni zawk
Harsatna ka pal hi
Ka tan a ṭha dawn
Dam hi a hlu
Teh dawn ila a hlutna
He khawvel engmah hian a hen lo
Zamin i rum a
Eng ngeni i hlauh tlat
Thangvan-a ruah
Dam chhung a sur lo
Ka beiseina meichher chu ka keng leh
Ka thawk ve ṭek ṭek chhung chu ka thlah nang
A beitham a neihte
Se, ka lungawi tawh
Hnehna hlado ngei ka la sa ang
Ti'an ka au hla ka thlen
Ring ka fana ka thlek
Ka zawh kawng hi a thui
Chawl hman ka ni lo
Hring nun hlaua ka phen chu a tawk tawh
Hman aṭanga mala ṭang ka ni
Ka hlauhna chhan tur a awm lo
En ta che i zawn ropuinain a hmuak che
Eng nge i nghah
I ke pen a sawt loh paw'n kal ve bek bek la aw
Van ruah leh chhum zing chuan
I kawng chu lo ti thim ṭhin mah se
Ni thar duhawm a lo chhuak leh ṭhin ang khan
Ka ṭhian i tlai lo
Ti hian i ngaihtuahna kha thlak chhin ta che
I beiseina vanga i beidawng a nih paw'n
An hlim hmel i hmuh aia
I hlim hmel i hmuh theih nan
Beidawnna ke-a pen khat pen ṭhinte hi
Khawvel mi hlawhtling anni ṭhin tih hi hria la
Hma lam pan leh hram rawh
Post a Comment