Fur khaw thiang leh van dum pâwl hnuaia'n
Mi zai thawm ka hria
Khuang hnih hla an lo sa
An zai thawmah chuan ṭap thawm a tel si
Eng vang nge ni
Fam ngaih vang maw lo ni an lo ṭah
Aw, a run ngei
Hnem theih ka nuam
Sâwt lo mah se
A liam ta, a fam ta tiin
Ngaiin an ṭap maw
Thihna kut vawt pumpelh rual loh khan
A man ta si
Lui luang ri leh thli tleh ri chuan
Aw, an zâi thawm a chawih mawi ngei
An mit tui a pung
Aw, thli ngilnei la
An ṭap thawm hi ram tin kil tinah
I theihtawpin theh darh la, puang darh la
Mi zawng zawngin an lungngaihna an ṭawm ve nan
A liam ta, a fam ta tiin
Ngaiin an ṭap maw
Thihna kut vawt pumpelh rual loh khan
A man ta si
Thihna rapthlâk
Mit tui ko chhuaktu
Nun rawnnaa khat nge
Thu lai latu i nih zawk le
Mahse, thihna chu kawtthler pakhat ve mai
Chatuan hmun thlen nan a
Mi tin te'n kan paltlang tur angah ngai la
I lungngaihna a nem mahna
Tiin hnem ka nuam e
A liam ta, a fam ta tiin
Ngaiin an ṭap maw
Thihna kut vawt pumpelh rual loh khan
A man ta si
Post a Comment