Nang ngai reng hianin zat mut chhin a har
Nang ngai reng hianin chhingmit tui a far
Ka dawn kir a
Engkim mai a thar leh ṭhin
Sulhnu
Lung mawl tan hian na chhawkna a awm lo
Ka thlawk a
Ka phak lo
Na chhawkna ka nghak fo
Thup tak na a
Daih rei chuang lo
I tan a ni ve lo tih ngawt theih loh
Nun khawhar hi ka tan a thar
Vawi tam fe chu ka ban ka phar
Rial ang a dai a
Hlim hmel a chuai a
Mual tin i chuan a
Ngaiin ka au a
Vawi khat
Vawi khat chauh pawh a pawi lo
Se, ka mamawh lai ber khan min hlat
Min thlah
Mahni chauha bei tur chuan ka hliam zozai nen
Thimin a thuah a
Phi-in a chhuan a
Thlirin min kai la
Bang ang ka vuina
Ṭhingṭhi-a kun hi
Ngaiin ka chau ta
Lo va'n rei tawh tak ve
Kan inkar ka thlir a
Inhlat tawh hle
Kal hnaih paw'n hlat tawh teh e
Ṭuanna tlang a dang ang tawh ber
Kum tam ka hmu tawh lo che
Duhlai ka ti tawh lo'ng nge
Val dang kiangah chuan i hlim hmel e
Kei pawh theih tawp chu ka chhuah zel e
Mahse, thinlaiah i cham
Romei ang hian i zam
Dawn kirin i belhchhah ka hliam
Tun thleng paw'n ka ziak i tan
Mahse, a rei lo'ng
Hei ka thei tawh
Di, ka tlei dawn
He thu hi mi hriat fiahtir
Kan inkar a kin tawh
Lo hlim rawh
Nang ngai reng hianin zat mut chhin a har
Nang ngai reng hianin chhingmit tui a far
Ka dawn kir a
Engkim mai a thar leh ṭhin
Sulhnu
Ka theihnghilh thei lo
Tum chu ka tum ṭhin
Ka hriat miah loh te'n tum te ka tum ṭhin
Kawng tin ka dap ṭhin
Nghilh hi ka duh ve
Zan tin ka dil ṭhin
Ngaih che a zual zawk
Kaltir hram rawh i hlim zawk nan
Ti maw, a theih loh
Ka hlim bikin
Tin, i tan engkim ka chan tawh asin
I huat ber ka tih ṭhin pawh ka sim
A nui ri ka hriat reng chhan hi ka zawt ṭhin
A ui nge a sawi lo
A thinlunga hriat reng ka nih theih nana
A mit hmuha tih theih ka neih ang ka zawng reng
A sawt lo, a kal tawh
Mi dang maw, ka duh lo
An tam maw, ka duh lo
Engmah hi a dik lo
Ka nun hi ka dil lo
Ka pilna thlan a thuk tawh a
Chhan chhuah pawh ka phut thei lo
Nang ngai reng hianin zat mut chhin a har
Nang ngai reng hianin chhingmit tui a far
Ka dawn kir a
Engkim mai a thar leh ṭhin
Sulhnu
Lungngaihna dil loh
An chhia chu ka suala ka beidawn tak hi
Mit tui dan zawh rual loh
Laikhuma hnutchhia mi ka ni
Tin, ka hlimna ber
Ka hmangaih ber chuan
Ka chak loh laiin min kalsan a ni
"Ka hmangaih che," a tih ve te
Lungngaih ti zual atan chu aw ri
A kianga hlim ka rin
Hlim hmel pu-a tlai tin ka thlah ṭhin
Van ram ka ngaih fin
Ni tin a chanchin hriat chakin
Ka tana a thih chilh
A tawrhnate'n min fin
A bul aṭanga ṭan leh ka chak ka ti
Nun kawng dik ka bo a ni tih hriat chhuah changa benga lo ri hming nen lam khan ka hua ka di hlui
Nang ngai reng hianin zat mut chhin a har
Nang ngai reng hianin chhingmit tui a far
Ka dawn kir a
Engkim mai a thar leh ṭhin
Sulhnu
1 comment