Min hmangaihtute u
In tan tih theih nei tam lo mah ila
Ka theihnghilh ngai bik lo che u asin
Ka thinlung chhungril tak taka thil awm hi lo ngaithla r'u aw
Natna natna in tawh zawng hi
Aw, keimah vanga in zahna zawng pawh hi
Aw, ruihhlo zun zam khawih chhiat hnu thinlung hian
Aw, chhungrilah hian a lainat che u
Ngaihdam a dil e
Ka hring nun chu mite ngaih dan tur ngaihtuahin
Zahna khura lutin nizan chu
Ngaihtuahna a kal thui
Ka hring nun tham ral chu engtin nge an thlir
Min nuihzat liam nge min manganpui
Ka relapse chhan sawi tur lahin khartung ka sawn thei lo Mampui
Mahse, ka chhung lam nun en turin
Ka hring nun lanna tlang dangah hian lo dak r'u
Ka thinlung kawngkhar chu kik ula
Pindan chhunga sual nghawngkawl bat hnu
Ngawl veina chahbi-in a kalh khum vanga
Tih theih nei lova ṭap
Biaka nun dik tak
Lainatna vanga ngaihdam diltu chu in va hmu ang a
S.G Domain-ah ngei pharin
He hla hi a lo sa ang
Natna natna in tawh zawng hi
Aw, keimah vanga in zahna zawng pawh hi
Aw, ruihhlo zun zam khawih chhiat hnu thinlung hian
Aw, chhungrilah hian a lainat che u
Ngaihdam a dil e
Mampui he thu chauh lo ngaithla leh teh aw
Hmanah kha chuan ka tan hian ui reng reng i nei lo
I par lai zu sen no hnun tui pawh ka tem fo
Mahse, kei mi tenawm hi G' Gums nen ka tlei zawk vang ni lo
A tel lova ka pangngai theih loh avang zawkin
Ka damdawia ka ngaih chuan nang nen min pawt ṭhen a
Damna huan aiah ṭahna ruam lamah min thlen ta
Min hmangaihtu chu a ni telin an kiang zel a
Ka chelh ngam tawh lo che Mampui i zalen ta
Mahse, i nau Rebecca thinlung ka tih thlersak nena min ngaihdam theih nan
Hei hi ka plan a
Ka hming lem phena hla tharin play nan rilru ka seng a
Inrema kan len nan
Natna natna in tawh zawng hi
Aw, keimah vanga in zahna zawng pawh hi
Aw, ruihhlo zun zam khawih chhiat hnu thinlung hian
Aw, chhungrilah hian a lainat che u
Ngaihdam a dil e
Ka nu nang pawh ngaihdam ka dil thar ve ang che
Ka pa nen in inkar ṭhenna thlentu khan
Ral khelh dar vuain
Kan thlakhlelh kan pa neih chhun rap bet chungin e
Kan vanneihna khawnvar a herh thlawn
Chu a hmangaihnu thar leh ka pa conversation
Min entir ve turin zanlai pelhah a jotter leh phone
I rawn lak ruk lai khan
Kei lah naupang te tleirawl chhuak tir mai chauh
I thlaphanna hnem tur paw'n sawi thiam ka nei lo
Ka theihnghilh theih loh chu maw
I mit meng dur chiai a
Thlaphanna thuk tak lang chhuak leh i thinlung hliam kha
Mahse, ka pa ai na mahin i thinlung ka lo hliam a
I lungngaihna nun chu bu hnihah ka lo siam ta
Mahse, ka inchhirna lehkhathawn ka rawn ziah kha
Tunah chuan nun siam ṭhatna khaw daifem-ah zan tin ka riak a
Humiliation suffer chung chuan kohhran puipunna ka hreh hrih si a
Fianrialah hian ka thinlung sukthlek dan ka han zir ṭhin a
Kham khawp nei lo tuikhuah khi ang mai a lo ni a
A luahtu tur diktak ka luahtir ve tawh ang a
Min hmangaihtute u
In lawmna atana ka suangtuahna hlate hi a tak a la chang ve ngei ang
Natna natna in tawh zawng hi
Aw, keimah vanga in zahna zawng pawh hi
Aw, ruihhlo zun zam khawih chhiat hnu thinlung hian
Aw, chhungrilah hian a lainat che u
Ngaihdam a dil e
Post a Comment