Ka tih loh tur ka tih vangin
Kan nih loh tur kan ni a
Sawi loh tur ka sawi vangin
Kan sawi loh tur kan sawi ta
Ka awm lohna tura ka awm ṭhin vangin
Kan awm loh dan turin kan awm zova
Thinlung hliam kan insiam a
Hrang lo tur kan lo hrang ta
Tunah zawng nun hlui leh nang ngaih hi
Dam chhunga ka ṭah hla an ni tawh ang
Ka tih tur ka tih loh vangin
Kan nih tur kan ni lova
Ka sawi tur ka sawi loh vangin
Kan sawi rem sa thu a buai
Ngaihdam dil a hnekin thiam thu sawi kan thlang a
A tawpah chuan thiam chang kan awm lova
Kan inkar kan pawt hla a
Hrang lo tur kan lo hrang ta
Tunah zawng nun hlui leh nang ngaih hi
Dam chhunga ka ṭah hla an ni tawh ang
Ka tih tur kha lo ti i la
Eng nge maw kan nih ang le
Ka sawi tur kha sawi i la
Eng nge maw min thlen ang le
He nun ai hian kha nun kha kan nei mahna
Ṭah mittui pumpelhin kan hlim mahna
Mahse, kan suangtuahna leh beiseina kan natpui ta
Tunah zawng nun hlui leh nang ngaih hi
Dam chhunga ka ṭah hla an ni tawh ang
Post a Comment