Eng pawh lo thleng se la
Ka vuan reng zel ang che
Thihna chauh lo chuan min ṭhen hrang lo'ng tiraw
Mahse, hringnun
Khuanu'n a duan
Kan chan tura duan
Engma'n a thlak lo
Natna khirh pawh
Kan chan tura duan
Vui thei kan ni lo
Khuarel a ni si
An sawi pialral-ah ngei chuan
Min lo hmuak ve rawh aw
Tah chuan inṭhen a awm tawh lo an ti ṭhin
Hlim leh lawmin kan leng tawh ang
Eng pawh lo thleng se la
Ka vuan reng zel ang che
Thihna chauh lo chuan min ṭhen hrang lo'ng tiraw
Natna i do zawh loh tur
I chhungrila a fan che khan
Pa hnenah ṭawngṭaiin ka dil ṭhin a i dam nan
Mahse, chhanna ka dawng lo lam a ni lo
Natna kal bosana damna i chan theih nan
A kiangah a hruai che hi hringmi tan chuan a na a ni
Pian nawn leh hi ka ring ngai lo
Mahse, ka beisei tho
Kan hringnun hun lehah chuan ka chelh tlat ang che
I ban pawh in chhawng sang tak tla tur ka dawm ang mai khan ka thlah lo vang
An sawi pialral-ah ngei chuan
Min lo hmuak ve rawh aw
Tah chuan inṭhen a awm tawh lo an ti ṭhin
Hlim leh lawmin kan leng tawh ang
Khuanu ruat zelin lei hringnun hi
A riang tein he khawvel hi ka pal tlang mai ang aw
An sawi pialral-ah ngei chuan
Min lo hmuak ve rawh aw
Tah chuan inṭhen a awm tawh lo an ti ṭhin
Hlim leh lawmin kan leng tawh ang
Post a Comment