Hun leh kum tam ka vahvaih hnuah
Nang ka tawng che
Suihlung lawm a kim
Ṭhatna nei lo min hmu ning thei lo
Tlin tawkna reng nei lo
Min buk tlingtu ini si
Hmangaihte hmangaih nih hi ava nuam em
I hlimna'n chuan ka mittui pawh kang mai se
Dolung zum leh lungngaih tlang leh mual tinreng
Pal tlang ka huam i tan duhlai
Ka nun hi van nen an tehkhin a
Mite chuanin lungngaih chhum zing an hmu
Mahse, nang chu, ka lama ṭangin
Siar leh chhawrhthlapui min hmuhsaktu ini si
Hmangaihte hmangaih nih hi ava nuam em
I hlimna'n chuan ka mittui pawh kang mai se
Dolung zum leh lungngaih tlang leh mual tinreng
Pal tlang ka huam i tan duhlai
Hmangaihna zin kawnga bangbo leh vanduai hian
Ka tana Khuanu ruat ka zawng ṭhin
Van hnuaia'n ni tla van vuaiin ka tal buai
Angel ka zawng ṭhin
Mahse, ka tawn chu ramhuai
Mahse, hun leh ni an ral a
Hmangaihtu ka tawng ve
Ka tana Khuanu ruat ngei a ni, ka lawm hle
Ka hringnun diary-a ziah sual tinreng a nawt reh
I awih loh chuanin tunah amah va zawt teh
Thim an rala kawl a eng
Ka mittui far thawm a reh
Ka lei hringnun zawhnate chhanin an awm
Ka thaw a veng
Hun leh ni kan hmangdun
Kar hlaa lengin ka call, ka text
Kha leh chen khawiah nge i awm
Ti nge hmanah ka tawn loh che
Hmangaihte hmangaih nih hi ava nuam em
I hlimna'n chuan ka mittui pawh kang mai se
Dolung zum leh lungngaih tlang leh mual tinreng
Pal tlang ka huam i tan duhlai
Pal tlang ka huam i tan duhlai
Post a Comment