Panlai nun dawn kira
Nun hlui liam hnu chhuiin
A lang e puan lem iang
Thinlai rilah fiah ngei e
Sikul run in hliap zar hnuaiah
Nau ang chaiin kan nui
Lui dung hrutin lengnghate kan vai a
Chun leh zua zar hnuaiah
Eng dang reng dawn lovin
Kan duh sawiin hlimte'n min chhawn
Nau ang kan tlei ṭhin
Mahse, hmanlai chang zo ta maw
Kohkir rual a ni lo
Rual hlui an liam
Rualpui thar lo lang e
Hringnun hi, aw, a tawi lua e
Van rang chhum iang ral mai
Mahse maw, tawi lua mah se maw
A hlut ngei e
A siamtu hian
Sakhmelmawi a chuai a
Vanglai tha lo ṭhum a
Hma lam beisei a tlem
Hun kal ta thin lai luahtu
Suihlung tilengtu an chang zo
Hawina lam tin mai hian
Hringmi kum chhiar a tam ve ta em ni
Hringnun hi, aw, a tawi lua e
Van rang chhum iang ral mai
Mahse maw, tawi lua mah se maw
A hlut ngei e
A siamtu hian
Keini'n hring nun hi
Eng nge nia kan ngaih
Siamtu'n hring nun hi
Eng nge niin a ngaih ve le
A mak, a thisen meuh a seng a
Chhan awm lo hian seng hian ka ring lo
Hringnun hi, aw, a tawi lua e
Van rang chhum iang ral mai
Mahse maw, tawi lua mah se maw
A hlut ngei e
A siamtu hian
Mahse maw, tawi lua mah se maw
A hlut ngei e
A siamtu hian
Post a Comment