Thinlung hliama ṭah lai ka bang lo
Min pui rawh aw
Lalpa nun nem
Keimah mai chuan
Ka tuar chhuak zo lo'ng
Ti hian a chhun a zana
Beidawng, mangang, khura awm ta chuan
He nun ruak tak bakah khanin
Ningzu ka dawn
Ka nun khawhar leh tuar ruk ṭhin
Belhchhah tur a'n maw
Hmangaihna vanduai tur a'n
Phu loh lanu ka tawn
Duat taka lawm lai hmangaih berte
Phatsan han nih chu
Au chhuahpui thiam phak rual loh hianin
A na, ka bing mup
Dawt thu thlum khan a ei ral zo
Hmangaihnaa khat ka thinlung
Tunah tiang hian ka inzawt
Eng ṭawngkam ṭha nge rin ngam chu
Hringnun hi zawng nun nem a piangte tana natna ram
Kei zawng ka tlawm der
Ka tan a awm lo hahdamna
Ka rinna a san poh leh thuk takin ka nat phah a
I tan ka awm reng dawn titu pawh kha
Tunah chuan hla takah
Pawn lam landan an thlir ṭhin
A hlimin
Buaina karah an tan khan a ding ṭhin
Mahse, an dawn lo
A hringnun a hnim tih
Hnemtu beisei khan
Nitin a thlir asin
Ni e, ka beisei a sangte pawh a nia nge
Ni e, ka tana ruat ka hrethiam lo a nia nge
Ni e, ka fel famkim bik lo tih ka hria e
Fak tlak nun ka nei lo tih pawh ka chiang hle
Thinlung hliama ṭah lai ka bang lo
Min pui rawh aw
Lalpa nun nem
Keimah mai chuan
Ka tuar chhuak zo lo'ng
Keimah mai chuan
Ka tuar chhuak zo lo'ng
Mutmu ka tuah lo
Ngaihtuahna a kal thui duh ngei mai
A lo lan hma pawh khan nun kha a hahthlak lul vei nen
Hlimna min thlentu tur tia ka lo beisei ve khan natna min thlen
Mahse, a tel lo hian ka tlei rei thei ang em
Tunah zet zawng a tawp ta mai si a
Kan hringnun thawnthu a phek tir aṭanga keu let a
Thlak danglam theih ni se tih hi
Ka thinlung mawlhtu
Khuanu ka dem thul
Rem lo tur tan hmangaihna pian tir lo se ṭha zawk tur
Hmangaihna ruamah chuanin min hruaiin
Anka nem leh i nunzia ka chhuang ṭhin
Karah ṭha leng dang vangin
Biahthu di kan hlan zawng
A chuai si
Ni e, ka beisei a sangte pawh a nia nge
Ni e, ka tana ruat ka hrethiam lo a nia nge
Ni e, ka fel famkim bik lo tih ka hria e
Fak tlak nun ka nei lo tih pawh ka chiang hle
Thinlung hliama ṭah lai ka bang lo
Min pui rawh aw
Lalpa nun nem
Keimah mai chuan
Ka tuar chhuak zo lo'ng
Post a Comment