A khi an khian i pa chu a lawi
Thangvan thianga siar Chawngmawii
Ang hian a thlir reng che bawihte
Tiin a duatlai a rila rah ngei chu a hnem
Pawi sawi lo naupang chuan
A neihchhun a chunnu han chan leh bik zawng a phal hleinem
Nu ka hmangaih che
Nang tal chuan min kalsan suh aw
Ti lawm lawm mah se
Thihna nunrawngin lainat a nei lo
Fahrah lehzual turin a laksak
Huphurh ngawih ngawih tu
A laina hnai neih ve chhun chu
Fin mai a ngai
A chan tur ṭha ṭha chhuhsak mah se a tan a lai
Kawl en hun tur
A nghahhlelh ber a ni eng dang ai
Malsawmna pawh hian a hmaih bik lo
A sakhmelah rangkadar tui luan tirin
Duhsaktu leh ngainatu hlirin a bawm ve thung
A vanduainate chu Thulah a khung
Hmalam chu a pan zel a
Hmana hmeichhe naupang kan hmuh ṭhin kha
Tunah a hlawhtling hmel kan hmuh tak hi
Aw, zan lalnu
I tan tih theih tlem hle mah se
Hei hi hria la
I tan engkim tih ka huam tih hi
Nang leh kei chu
Ṭhen hran rual kan ni tawh si lo
Tleitir hmel ṭha
I chhingmit tui zawng a hul tawh em
Tunah zawng duhthusam lanu chu ka tawng ve ta che bawihte
Karah hmelma hrangin
Lo buai vel ṭhin mah se
I nun hlui sulhnu zawngte
Harsain lo bumboh mah se
I nuamsa tawh ngei ang
Keimah min nei tawh e
A khi zo sanga'n
Ka chuanpui nang che
A ngur nun ngai lo
Keimah Sanghalhriama
Lasi-te tual chaina
An sawi buannel ram dai
Ka fanpui nang che
I suangtuah ram ngei chu
Tleitir hmelṭha i zunah chhawl ang ka uai
I nunze mawi a dikin
Chhawm nung zel la
Aw, zan lalnu
I tan tih theih tlem hle mah se
Hei hi hria la
I tan engkim tih ka huam tih hi
Nang leh kei chu
Ṭhen hran rual kan ni tawh si lo
Tleitir hmel ṭha
I chhingmit tui zawng a hul tawh em
Post a Comment