Mitthlaa'n a chama
I nui hmel mawi leh hlimlaite kha
Koh kir phak a ni tawh si lo
Ui taka liam lai en a
Kan thawnthu hlui
Nghilh thei lova chhungril hliam chunga pai mek khanin
Mangṭha tia ka thlah liam mai che a ngai hlen ta
Hriatthiam a hara hmangaihna hi
A hlauhawma aw 'Khandaih' angin
Kumkhaw daih tur khawpa
Na leh ser nung siam na'na hman theih a ni
Ka theihnate i tana ka hlan zawng a tawk zo lo
"Mal taka hman zir angai ami?" tiin ka inzawt nawn fo
Natna a tuam Khuanu ka dem
Inhmangaih tak hi tinge mi pawh ṭhen
Ka harsatnate engkim ka thlen a rem tawh lo
Hei' ka dil a che
A tawn thar Di te kha malsawm la
Kan thawnthu ve zawng a tawp ta a
Ka tan a na-in ka tlawm na a
A hlim tih ka hriat chuan ka lawm mahna
Nunhlui ka chhui
Hlimte'n ka nui
Ka chelh ding zo lova
Hun hian a liam pui
Ka thinlung chhungah hian a thar leh ṭhin
Khualzin ianga rawn lut
I cham reng asin
Kir lo turin i liam ta maw
Hei chauh hi min tiam la aw
Hring chan chhunga ka tana vanram ka nunhlui kha
Nghilh bik suh aw
Sirva ianga thlawk thiamin
Duhthu ka sam a riangin
Luah loh di kaina rûn saw
Ka fang ve tur aw
Tawnmangah tal
Ka tana ṭah khua ti sei tur reng ami i nih aw
Nang ka lo tawn che
Nghilh ka tum poh leh ka vei ngurh zel
Nang chauh lo chuan min hnem zo lo'ng e
Aw, ka hmangaih hei' lo ngai ta che
I tel lova nun hman ka thei ang em
Kalsan tuma nitin ka beihnate
Ngaihtuah chang hian ka inlainat e
Hun hian a liampui ve mai anga ti a inhnemin
Beiseina nen kum hian a kianpui ve mai anga ti a ring zelin
Ka tlei thei ang em
Mangṭha tih khan kan inthlah ta si a
Nang thlah ni khan ka rinna a chhia
Engpawh chu nise ka duhsak a che
Kan kar kal tawh pawh ka hlut tlat ang e
Hmangaihna vanga vanduai ka nih paw'n
A pawi love ka lawm zawk ang e
Nang ngaihna vanga â ruai ka nih paw'n
A pawi love ka tâwn zawk ang e
Hmangaihna awmzia mi hriat fiah tir a
Ka tana fimkhur ngai lai ka hriat phah
Hlima nui turin ka duhsak a che
Kumtluang atan mangṭha mai le
Sirva ianga thlawk thiamin
Duhthu ka sam a riangin
Luah loh di kaina rûn saw
Ka fang ve tur aw
Tawnmangah tal
Post a Comment