K. Hminga - Tu nge inthlei thei lyrics

Ram leh kohhran a hruaitu
Mi rawn kai te
Zahawmna dawhsana dinga
Felna hmaikawr vuaha
Biakbuk thianghlimah leh pisa ropuia
A fawng vuantu chan chang
Thiltitheitu nih vanga diklohna thup ching te
Rawngbawlna sang chelh vanga dik bera in ngai
Thihna hmaah angkhata kun za ṭheuh tur hi
Tu nge inthlei thei

Zirna hrut sang hrut chhuaka
Thiamna lehkha mawi tara
Finna aia chapona zirchhuak
Hre tam bera inchhal
Inthiamna hriam khan mi a hliam
In vanneiha siam in
Rawnkai in chang leh si
Dinhmun ṭhatna atanga mi hmuhsit ching te
Thiamna sang tak aṭanga mi chungtlak ching
Thihna hmaah angkhata kun za ṭheuh tur hi,
Tu nge inthlei thei

Daikil kawm kara seilian
Pa mawlmang leh hriat tlem,
Aw, changkanna thlifim pawh
Dawng lova an ngaih saw
Lei ropuina lamah leh
Hausakna tehfunga
Rethei, pachhia chanchang saw
Aw, siamtu'n duhte'n a duan hringmi a nihna saw
Lei ropuina thuam thuah riat aiin a hlu
Hausakna leh ropuina te pawh hi
A tehtu azir a ni

Nang mihring, i mihring mihrinna kha thlir la
Ngaihṭha taka fam san tlak damchhan i nei em
Thihna hmaah angkhata kun za ṭheuh tur hi
Tu nge inthlei thei

---

Composer(s) / Translator(s)

• K. Hminga

Also Performed By

• Ṭhuampui Branch YMA Zaipawl
• Mastie Ralte
• Indiana Ṭhalai Zaipawl

Tags: K. Hminga - Tu nge inthlei thei | K.Hminga - Tu nge inthlei thei? (Official Video) | K. Hminga - Tu nge inthlei thei lyrics | TUNGE INTHLEI THEI - Thuampui Branch YMA Zaipawl (Official Music Video) | Tunge inthlei thei (Cover) - Mastie Ralte -Hranghleia Sec.YMA DAY 2022 | Indiana thalai zaipawl ( Tunge in thlei thei)

---