Zomuanpuii - Lam ang ka lo let

[Zomuanpuii]
Lam ang ka lo let leh ta e
Kha chen sam ang ṭhen hnuin
Hei hi maw kan chhim khaw Zopui
Tuk loh ramngaw ang dai e
Rual duhte'n hraileng an awi e
Tlaikhua pawh a ngui zo ta
Chul hnu nunhlui dawn kir changin
Rual duh ngai ka lo ṭap e

[Zomuanpuii]
Duhthu ai ang ka sam ṭhina
Mualza kara lenlaiin
Hei hi maw kan run in ngei kha
Chhungkim dar ang kan lenna
Ṭuan rel lova tual kan chaina
Awmhar run an chang zo ta
Lungduhte fam rolungmualah
Min ngai lo te'n an liam si

[Zomuanpuii]
Aw, Van Lal pianni champhate
A lo herchhuak leh ṭhina
Zalengin hrang lu ang lawm e
Lengdang reng an ngai si lo
Hmanah chuan lenrual duhte nen
Tlaikhua pawh kan var ṭhina
Tunah erawh ruala lengte'n
Run an rem ta hrai duh nen

[Zomuanpuii]
Huiva lenthiamah chang ila
Hlimlaini ka tawng mahna
Perhkhuang Ṭingtang ri mai pawh hian
Suihlung a ti leng em mai
Aw, khawnge maw in awm tak le
Zai vawra suihlung rual pui
Nang zawng nunhlui mual liam ta la
Damtakin aw, mangṭha le
Mangṭha le
Mangṭha le

---

Tags: Zomuanpuii - Lam ang ka lo let | Zomuanpuii - Lam Ang Ka Lo Let - Mizo | Zomuanpuii - Lam ang ka lo let lyrics

---